Having heard and approved the petition from the envoys of the Commune of Koper, Aquileian Patriarch and Istrian Margrave Gregory of Montelongo permits the election of a Venetian to serve as the podesta of Koper; based on the mutual agreement, the elected person may be either Giovanni Badoer, Giacomo Dolfin or Angelo Morosini.
In nomine Christi, amen.
Anno a nativitate Eius millesimo ducentesimo sexagesimo quarto, septime indictionis, apud Aquilegiam in camera patriarchali, die tercio exeunte mensis februarii, presentibus domino Alberto Dei gratia episcopo Concordiensi domini G(regorii) patriarche Aquilegensis vicedomino et dominis Maynardo de Prata, Iohanne de Cucanea, Henrico de Mels et Ropreto de Budrio testibus ad hoc vocatis et aliis.
Cum Comune Iustinopolis olim peteret gratiam a venerabili patre domino G(regorio) Dei gratia sancte Aquilegensis sedis patriarcha Istrie atque Carniole marchione eligendi potestatem de Venetiis pro anno presenti ad regimen civitatis Iustinopolis, idem dominus patriarcha nominavit quosdam de Venetiis et dictum Comune Iustinopolis de ipsius domini G(regorii) patriarche voluntate seu licentia, ut dicebat ipse dominus patriarcha, elegit dominum Iohannem Beduarium, dominum Iacobum Dalfinum et dominum Angelum Maurocenum de Venetiis et quemlibet eorum, videlicet per se in potestatem civitatis predicte pro anno presenti.
Unde Leazarius de Çillaco et Bernardus Belgramonis cives Iustinopolis ambasiatores, ut dicebant, Comunis eiusdem constituti in presentia predicti patriarche marchionis supplicaverunt eidem nomine et vice dicti Comunis ut electionem huiusmodi de gratia confirmaret, quorum petitioni annuens idem dominus patriarcha electionem eandem de speciali gratia confirmavit pro anno predicto, ita ut, si predictus dominus Iohannes Beduarius primo potestariam eandem non acceptaverit, dicti domini patriarche confirmatio cadat in predictum dominum Iacobum Dalfinum, et si idem dominus Iacobus Dalfinus secundo non accepta, iverit potestariam eandem cuiusdem domini patriarche confirmacio cadat tercio in dominum Angelum Maurocenum.
Et taliter idem dominus G(regorius) patriarcha marchio electionem huiusmodi confirmavit de gratia speciali.
In cuius rei evidentiam instrumentum presens fecit idem dominus patriarcha marchio sui sigilli pendentis munimine roborari.
Ego Iohannes de Lupico Sacri Imperii publicus notarius confirmationi huiusmodi presens interfui et de mandato dicti domini patriarche et rogatu memoratorum ambasiatorum scripsi in formam publicam reducendo.
See the "Editor's Notes" in doc. 1256_EPI.
The publication of the facsimile of B (Venice, Archivio di Stato di Venezia, Miscellanea atti diplomatici e privati, busta 5, doc. 182) is granted free of charge by Archivio di Stato di Venezia by way of the “simplified procedure” of publishing archival facsimiles (La circolare della Direzione generale archivi n. 39 del 29 settembre 2017: procedura semplificata: pubblicazioni online che perseguano finalità scientifiche o pedagogiche, non beneficino di inserzioni pubblicitarie o commerciali e non siano soggette ad accesso a pagamento).
Photo by the editor.
The digital facsimile remains under the exclusive copyright of Archivio di Stato di Venezia.