Monfiorito of Pula pledges loyalty to the Aquileian Patriarch Gregory of Montelongo, promising to uphold the rights and honor of his Church, to reimburse all goods received from the patriarch and his people, to immediately and unconditionally withdraw from Motovun, and to appoint suitable sureties for the fulfillment of these commitments in form of sworn guarantors. This oath is subsequently reaffirmed in Muggia as Monfiorito, along with the representatives of the Commune of Pula, provides thirty-one persons as his sworn guarantors.
In nomine Christi, amen.
Anno a nativitate Eiusdem millesimo ducentesimo sexagesimo quarto, septima indictione, apud Sanctum Vincentium in domo castaldionis domini Monfloriti de Pola, die sexto intrante iulio, presentibus venerabilibus patribus domino G(uilelmo) Polensi et Al(berto) Concordiensi episcopis, et nobili viro domino Alberto comite Goricie, dominis Wezelone abbate Belliniensi, Iohanne archidiacono Aquilegensi et Nicolao archidiacono Polensi, magistro Nicolao de Lupico domini G(regorii) patriarche Aquilegensis cancellario, et dominis Maynardo de Prata, Artuico de Porcillis, Conrado de Sovernano, Bertoldo de Piris, Henrico de Mels, Walteropertoldo de Spinemberch, Ulvino de Pramperch, Philippo de Coslaco, Conone et Biaquino fratribus de Momiliano, Henrico de Petrapilosa, Squarzaco et Bartholomeo de Top, Bernardo de Tricano et aliis multis.
Dominus Monfloritus de Pola, qui non erat in gratia venerabilis patris domini G(regorii) Dei gratia sancte Aquilegensis sedis patriarche et Istrie atque Carniole marchionis, constitutus in presencia ipsius domini patriarche iuravit ad sancta Dei evangelia:
[1] Quod ipse per se ac suos astabit eidem domino patriarche et ecclesie Aquilegensi toto suo posse, et nunquam erit contrarius toto tempore vite dicti domini patriarche, et quod per se ac suos manutenebit et defendit iura et honorem ipsius domini patriarche et ecclesie supradicte toto suo posse.
[2] Item quod dictus dominus Monfloritus reddet rationem dicto domino patriarche et satisfaciet sibi et suis de omnibus hiis, que constabit eum et gentem suam habuisse de bonis ipsius dominea patriarche ac suorum. Et quod reddet et faciet rationem et parebit iuri in omnibus coram domino patriarcha que gens ipsius domini patriarche voluerit proponere adversus eum et suos.
[3] Item quod incontinenti, totaliter et omnino discedet de Montona per se ac gentem suam, nec dabit hominibus Montone per se vel per suos consilium, auxilium vel favorem, salvis iuribus, si qua habet, in eodem loco de Montona.
[4] Item quod pro hiis omnibus attendendis et observandis in omni causa ipse dominus Monfloritus dabit et ponet bonos et sufficientes fid[e]iussoresb ipsi domino patriarche aut nuntio vel nuntiis suis pro eo – de Iustinopoli, Tergesto et Pirano et de Venecia etiam et de Marchia – ad voluntatem et requisitionem ipsius domini patriarche.
Hec autem supradicta capitula iuraverunt dominus Bonifatius et Bernardus de Viadro ambassatores, ut dicebant, Communis Polensis unacum predicto domino Monflorito.
Et pro hiis omnibus capitulis observandis et attendendis in omni causa se eidem domino Patriarche dictus dominus Monfloritus, sub obligatione omnium bonorum suorum, ad penam duorum millium marcharum Aquilegensis monete sollempniter obligavit ac sponte; penaque predicta soluta vel non, supradicta omnia et singula nichilominus in sua firmitate perdurent.
***
Anno vero Domini millesimo ducentesimo sexagesimo IIIIo, septime indictionis, apud Muglam in ecclesia sancti Iohannis et Pauli, die quintodecimo exeunte iulio, presentibus domino Alberto Dei gratia episcopo Concordiensi domini G(regorii) patriarche Aquilegensis vicedomino et domino Wernardo clerico Petensi, et dominis Wezelone Belliniensi et Pergonia sancti Michaelis de subtus terram abbatibus, Iohanne archidiacono Aquilegensi, magistro Nicolao de Lupico cancellario domini G(regorii) patriarche Aquilegensis, et nobili viro domino Alberto comite Goricie et dominis Maynardo de Prata, Artuico de Porcillis, Henrico de Mels et Walteropertoldo de Spinemberch testibus et alii multis.
Dominus Monfloritus de Pola pro se, suo nomine et nomine fratrum suorum, et ipse dominus Monfloritus, Bonifacius, Gandaleon et Ugo domini Viviani cives Polenses, ambassatores, procuratores, syndici et actores totius Consilii et Communis Polensis ad faciendum dicto domino G(regorio) Dei gratia sancte Aquilegensis sedis patriarche et Istrie atque Carniole marchioni securitatem per nobiles et idoneos viros predictos secundum tenorem iuramenti facti domino Warnero de Portis recipienti in pleno Consilio Polensi pro dicto domino patriarcha et vice et nomine ipsius, sicut continebatur in quodam publico instrumento confecto manu Viviani notarii sub anno Domini millesimo ducentesimo sexagesimo quarto, indictione septima, die terciodecimo intrante iulio, Pole in ecclesia sancte Marie de Canedo, a me Iohanne de Lupico subscripto notario viso et lecto, pro se, suo nomine et vice Consilii et Communis Polensis, et posuerunt et dederunt memorato domino patriarche fideiussores et principales debitores istos, quorum nomina subscribuntur, ad observandum et attendendum capitula supradicta et quodlibet predictorum, prout continetur in ipsis, salvo si dictus dominus patriarcha vellet inde habere plures fideiussores.
Et incontinenti presentibus testibus supradictis, pro omnibus et singulis capitulis supradictis attendendis et observandis in omnibus et per omniac, sicut continetur in ipsis, extiterunt fideiussores et principales debitores, et contenti fuerunt tamen sub predicta pena duorum milium marcharum monete predicte et quilibet ipsarum pro parte ipsi contingente de supradicta pena duorum milium marcharum dicte monete ad vitam tantum ipsius domini patriarche, penes ipsum dominum patriarcham:
Dominus Senisius de Bernardis de Padua et dominus Petrus domine Caurotte, dominus Facina cavalerius, dominus Epo Azonis, Facina Alberici, Citadinod quondam Manfredini, Guidottus quondam Almerigotti, Pappo Ripoldi, Iohannes quondam Engelpreti, Iannettus Ambrosii, Wezelinus de Nobili, Ambrosius quondam Ienammi, Iohannes de Grana, Iohannes de Goina et Aureus quondam Poltonis de Iustinopoli, Venerius de Paesana, Articus de Berto, Dominicus Maranus, Almericus de Marcellina, Dominicus de Marescolo et Syxtus Isabelle de Insula, Cadolus, Iacobus, Vitalis, Stancus de Bona, Articus Elice, Canzianus de Çursatto et Antonius de Aliotta de Mugla, Progonussus de Sovennach, Henricus Polesanus de Coneglano et Obiximuse de Grado.
Renuntians quilibet fideiussorum predictorum per se omni iure, statuto et consuetudine quibus contra predicta vel aliquod predictorum se posset defendere aliquatenus et tueri; penaque predicta soluta vel non, contractus presens nichilominus ad vitam dicti domini patriarche in sua permaneat firmitate.
(SN) Ego Iohannes de Lupico Sacri Imperii publicus notarius hiis omnibus presens interfui et de mandato supradicti domini patriarche et rogatu, tam predictorum domini Monfloriti et procuratorum quam et fideiussorum, feci et scripsi duo similia publica instrumenta in formam publicam reducendo.
a) sic A: pro domini. b) fidiussores A; em. Banić. c) in omnibus et per omnia] lect. dub. quia attramentum evanuit. d) lect. dub. quia attramentum evanuit. e) lect. dub. quia attramentum evanuit; sic ed. Kandler.
The documents reveal a swift retaliation of Patriarch Gregory, at this time still backed by the pro-imperial regional nobility and their champion, Count Albert I of Gorizia. What exactly Monfiorito of Pula did in Motovun cannot be ascertained due to the lack of sources. According to De Vergottini (cited above), he forced his way into becoming the community’s podestà. Whatever happened in Motovun, it was not to the patriarch’s liking.
Monfiorito was therefore forced to retreat unconditionally, pledge allegiance to the patriarch and the Church of Aquileia, and to provide boni homines as his guarantors. Monfiorito did just that, as attested by the hereby edited documents, producing no less than thirty-one persons as his guarantors.
The Treaty of Savičenta also shows that House Pula (the future House of Castropola) already possessed ample jurisdictions in Savičenta, including the right to appoint gastalds – their representatives tasked with local government. According to much later documents, these jurisdictions were held from the bishops of Poreč, but at least a part of them had to stem from the patriarchs of Aquileia. In any case, the old argument that Patriarch Wolfger invested House Pula with the County of Pula, Šišan, Savičenta, Bale, Rovinj and Turnina, (first put forward by Karl Czornig, Das Land Görz und Gradisca: Mit Einschluss von Aquileja (Vienna 1873), p. 281, fn. 3) must be abandoned as it is not backed by primary sources.