Doge Andrea Dandolo constitutes his plenipotentiaries to accept the surrender of Koper and the dominion over the city.
In Dei nomine, amen.
Inclitus et excelsus dominus dominus Andreas Dandulo Dei gratia Venetiarum dux et cetera, cum suis consiliis Minoria, Rogatorum et de XL, et ipsa consilia cum dicto domino duce existentibus congregatis ultra duas partes more solito, pro se et suis successoribus et nomine et vice Comunis Veneciarum, fecerunt, costituerunt et ordinaverunt nobilesb viros dominosc Pangratium Iustinianum capitaneum maris et Marcum Superantio capitaneum terre et Paysinatici capitaneum ac Stephanum Contarenum, Çufredum Mauroceno et Iohannem Quirinum honorabilesd cives suos et quemlibet eorum in solidum, ita quod occupantis conditio pocior non existat, specialiter ad accipiendum et acceptandum confirmationem possessionis Iustinopolis et dominii dicte civitatis, territorii et districtus et iurium et pertinentiarum ipsius, quod idem dominus dux et Comune Veneciarum habet et habuit longissimis temporibus citra in dicta civitate, territorio et districtu, et etiam de novo, in quantum opus fuerit, acceptandum, accipiendum ete aprehendendum, et etiam recipiendum ab hominibus civitatis Iustinopolis confirmationem et ratificationem contractus infrascripti et eorum que continentur in eo, et possessionem et exequutionem eorum, cum promissionibus, iuramentis, renunciationibus, obligationibus et clausulis opportunis, et etiam omnia et singula faciendum que in predictis et circa predictaf dependentibus et conexis et prorsus extraneis fuerint opportuna.
Dantes, et concedentes dictis suis syndicisg plenum et liberum mandatum cum plena, libera et generali administratione faciendi et complendi omnia et singula que eisdem necessaria et utilia videbuntur.
Promittentes michi notario infrascriptoh, recipienti nomine et vice omnium quorum interest vel interesse posset, firma et rata habere et tenere omnia et singula que idem syndici in predictis duxerint facienda.
Tenor autem contractus concordii talis est: [seq. doc. 1348_RI2; premite hic ut id ostendat].
In nomine Patris et Filii et Spiritus Sancti, amen.
Coram excellentissimo principe et domino domino Andrea Dandulo Dei gracia Veneciarum, Dalmacie atque Croacie duce, domino quarte partis et dimidie tocius Imperii Romanie, et Raphayno de Caresinis notarius, eius et Comunis Veneciarum syndico ad hec specialiter constituto, prout constat publico instrumento manu mei infrascripti notarii confecto sub anno, mense, die et indictione infrascriptis, comparuerunt providi et discreti viri ser Franciscus Spelato et [ser] Odoricus dictus Caroti Peglo [cives Iustinopolis], syndici et syndicario nomine Comunis, Consilii, hominum et [tocius] universitatis Iustinopolis ad infrascripta [omnia] plene et specialiter constituti, ut in instrumento scripto per Michaelem condam Clementis Lugnano de Iustinopoli imperiali auctoritate notarium in millesimo suprascripto et indictione, die octavo mensis octubris, a me notario infrascripto viso et lecto plenissime continetur, in quorum [sindicorum] comitiva fuerunt decem de nobilioribus dicte terre cum duodecim ex popularibus suis [sociatis], et sponte et libere et ex certa scientia affirmaverunt, dixerunt, et recognoverunt:
[1] dictam civitatem Iustinopolis et totum [eius] districtum et territorium cum omnibus eius iuribus et pertinenciis, castris, terris, fortilitiis, insulis, viis, stratis, hedifitiis ac portubus, iurisdictionibus, noctionibus, vectigalibus, pedagiis, proventibus, obventibus, et iuribus quibuscumque spectantibus et pertinentibus ad eamdem civitatem et territorium a longisimis temporibus et citra iure pleni dominii et possessionis legitime pertinuisse ad ipsum dominum ducem et eius predecessores et Comune Veneciarum;
[2] et ipsum dominum ducem et Comune Veneciarum habuisse in dicta civitate, territorio et districtu plenum dominium et possessionem cum pleno mero et mixto imperio et plenissima et omnimoda iurisdictione, et exercitium et possessionem legiptimam et plenariam eorumdem;
[3] et illi, qui de facto se subtraxerunt ab ipsius domini ducis obedientia in civitate predicta, indebite et iniuste et inique fecerunt;
[4] et ipsam universitatem semper remansisse et animum habuisse remanendi in subiectione, protectione et dominio et obedientia dominii supradicti ipsius domini ducis et Comunis Veneciarum;
[5] et etiam ad cautelam, in quantum opus esset, posuerunt et submisserunt plene et libere ipsam civitatem, castra, fortilitias, insulas et totum territorium et districtum cum omnibus iurisdictionibus et pertinentiis et mero et mixto imperio, pleno et libero dominio et plenissima et omnimoda iurisdictione, et homines et personas omnes eisdem domino duci et Comuni Veneciarum;
[6] et ipsum dominum ducem et Comune Veneciarum ellegerunt et constituerunt suum et dicte civitatis, territorii et districtus in perpetuum liberum et dominum generalem;
[7] et quod ipsam civitatem, castra, fortilitias, insulas, territorium et districtum totum et personas eorum regat, habeat et gubernet per se vel [per] alium cum omnibus iuribus et pertinentiis sub dominio, iurisdictione, mero et mixto imperio, protectione et subiectione ipsius domini ducis et Comunis Veneciarum, perpetuo, libere, alte et basse, prout eis melius videbitur et placebit, contradictione ipsorum vel alicuius eorum seu alterius non obstante;
[8] et promiserunt pro se et successoribus suis ipsi domino duci, recipienti pro se et successoribus suis et Comunis Veneciarum, tamquam suo vero domino fideliter subesse et perpetuo in omnibus obedire;
[9] et flexis genibus cum omni devotione et reverentia ab ipso domino duce humiliter petierunt misericordiam et veniam pro predictis, qui se ab ipsius obedientia de facto indebite subtraxerunt, et pacem et gratiam suam eis reddi, ut possint cum personis, bonis et rebus singularium personarum predictorum et ad ipsos legittime pertinentibus esse salvi et securi.
Qui inclitus princeps dominus dux clementer et dictus Raphaynus notarius, eius et Comunis Veneciarum syndicus de eius mandato, receperunt ipsos syndicos, nomine predicto, et homines dicte civitatis et districtus, et dictam civitatem et districtum ad suam pacem, gratiam et misericordiam, et omnia et singula supradicta dicta, oblata et facta per dictos syndicos.
Que omnia et singula promiserunt dicti syndici civitatis Iustinopolis, et dictus Raphaynus [notarius], syndicus ipsius domini ducis et Comunis Veneciarum et de ipsius domini ducis mandato, sibi ad invicem et vicissim perpetuo firma et rata habere et inviolabiliter observare, sub pena ducatorum triginta milium auri in singulis capitulis, tociens comittenda contra partem contrafacientem quociens fuerit contrafactum, et pena solupta vel non, nichilominus omnia et singula supradicta perpetuam obtineant firmitatem.
Obligans dictus syndicus domini ducis omnia bona Comunis Venciarum pro predictis omnibus adimplendis, et dicti syndici Iustinopolis omnia bona Comunis et hominum Iustinopolis pro predictis etiam omnibus observandis.
Et iuraverunt corporaliter ad sancta Dei evangelia, tactis scripturis, pro se et successoribus eorumdem in animas suas et eorum quorum sunt syndici, predicta omnia et singula perpetuo et inviolabiliter observare et non contra facere vel venire aliqua ratione vel causa, de iure vel de facto.
Renuntiantes per pactum exceptioni doli mali, simulationis, fictionis et in factum, et omnibus et singulis auxiliis et iuribus comunibus et municipalibus, consuetudinariis et aliis quibuscumque, quibus venire et tueri se possent contra predicta vel aliquod predictorom.
Actum in felici urbe Veneciarum in sala Maioris Consilii, anno domini nostri Iesu Christi millesimo trecentesimo quadragesimo octavo, indictione prima, mensis octubris die decimo, presentibus infrascriptis testibus ad hec specialiter vocatis et rogatis, videlicet domino Benintendi Ravignano [de Clugia notario dicti domini ducis et Comunis Veneciarum], domino Raphayno suprascripto et providis viris Nicoleto de Lambertis, Nicoleto del Camino et Petro Sancto omnibus scribis curie maioris Veneciarum et aliis pluribus.
In cuius rei evidentiam pleniorem dictus dominus dux presens instrumentum mandavit sua bulla plumbea comuniri.
(SN) Ego Marcus Lucianus ducalis curie Veneciarum scriba et notarius de mandato dicti domini ducis presens omnibus supradictis in publicam formam redigens complevi et relevavi et etiam de voluntate et consensu syndicorum suprascriptorum.
Actum in felici urbe Veneciarum anno nativitatis Domini millesimo trecentesimo quadragesimo octavo, indictione prima, mensis octubris die decimo intrante, presentibus testibus ad hec vocatis et rogatis, providis viris ser Berthoro de Montagnana, Raphayno de Caresinis, Nicoleto del Camino qui dicitur de Marcoi, Petro Sancto omnibus scribis Ducatus Veneciarum et aliis pluribus.
In cuius rei fidem et evidentiam pleniorem mandavit idem inclitus dominus dux presensj instrumentum sua bulla plumbea pendente muniri.
Ego Nicoletus de Lambertis Ducatus Veneciarum scriba et notarius.k
a) minorum L. b) nobilles L. c) ex dominum corr. L. d) honorabilles L. e) seq. hapre canc. P. f) seq. debeo canc. P. g) L; sindicis et undique sindicus P. h) L; infrasscripto P. i) L; Marcho P. j) des. L. k) sic des. P.
Commune of Koper's ratification of the peace treaty with Venice – edited here as doc. 1348_RI4.
See the "Editor's Notes" section in doc. 1348_RI2.