The Council of Hundred responds to the articles of the pact of subjection issued by the Commune of Buje, accepting the community into the Venetian Dominion.
Die XXVIIo augusti.
Capta in Consilio C.
<Ser Nicolaus Victuri, ser Franciscus Cornario sapientes consilii.>
(+) Comparuerunt ad presentiam nostri Dominii ambaxatiores comunitatis Bullearum, petentes nomine dicte comunitatis confirmationem pactorum eis promissorum per nobilem virum ser Iacobum de Rippa militem, capitaneum paysinaticorum Raspurch, quibus ambaxiatoribus bonum est respondere, vadit pars quod respondeatur dictis ambaxiatoribus Bullearum in hac forma:
[1] Et primo ad primum capitulum, per quod dictus ser Iacobus promisit iudicibus, consilio, Comuni et populo Bullearum eos conservare in suis antiquis consuetudinibus, respondeatur quod sumus contenti observare capitulum predictum cum ista declaratione: quod rectores nostri, qui per tempora erunt, ministrare debeant ius et iustitiam, prout servatur in aliis nostris terris Istrie.
[2] Super alio capitulo, per quod promisit quod nostra dominatio concedet eis territorium Sancti Georgii cum pertinentiis suis, quod territorium ad presens tenet et possidet nostrum Dominium, et super alio capitulo per quod fuerunt concordes quod Servus ser Hendrici de Bulleis per sua comunitate et ser Gualengus de Apolonio de Pirano per sua comunitate debeant confinare et confinia ponere super territorio Castri Veneris et cetera, respondeatur quod nostra dominatio de territorio Sancti Georgii, quod nunc possidet comunitas nostra Grisignane, non habet illam veram informationem quam habere volumus, et similiter super facto Castri Veneris, et propterea pro presenti nullam volumus facere terminationem, sed ipsi possunt reverti domum suam et nos interim accipiemus informationem necessariam, tam super facto Sancti Georgii quam super facto Castri Veneris; et factis vindemiis suis et transacto mense septembre, poterunt reverti Venetias et tunc super predictis capitulis terminabimus, prout videbimus fore rationabile et iustum.
[3] Super capitulo autem, per quod dictus capitaneum promisit Servo ser Henrici de Bulleis pro sua provisione de introitibus dicti loci ducatos centum in anno, respondeatur quod sumus contenti dictam provisionem ducatorum centum eidem Servo de introitibus dicti loci consignari facere, ut sibi promissum fuit.
[4] Et quia dicta comunitas ultra suprascripta capitula facta cum capitaneo nostro petit ut, considerata guerra quam dicta comunitas habuit damnis et guasto sibi dato, de gratia speciali velimus dictam comunitatem absolvere per quinque annos et cetera, respondeatur quod non sumus informati de conditionibus dicti loci Bullearum et volumus super predictis habere informationem; et quando mittent Venetias pro facto Sancti Georgii et Castri Veneris, super isto capitulo eis etiam faciemus responsionem.
[5] Super alia autem requisitione faciunt ut scribamus rectoribus nostris Istrie quod possint in eorum districtibus emere frumentum pro suis pecuniis et illud portare Bulleas pro victu suo, respondeatur quod sumus contenti hoc eis concedere, et eis faciemus literas nostras patentes per quas mandabimus rectoribus nostris Istrie quod permittant eos emere frumentum predictum pro victu suo necessarium.
The digital facsimiles come from morevento, the official databank of Archivio di Stato di Venezia, replacing the old Divenire webpages. The entire register can be consulted here.
Image by Archivio di Stato di Venezia.
The editor has subsequently marked the relative entriy with vertical red lines, simply to denote the parts of the manuscript that are hereby edited.
The digital facsimiles remain under the exclusive copyright of Archivio di Stato di Venezia.