Patriarch elect Gregory of Montelongo promises to Count Maynard III of Gorizia, the advocate of the Church of Aquileia, to recognize the arbitrational settlement between him and the late Patriarch Berthold (doc. 1251_SA), and that he would seek its confirmation by the Holy See.
In nomine Christi, amen.
Anno a nativitate Eiusdem millesimo ducentesimo quinquagesimo secundo, decime indictionis, die dominico duodecimo intrante madii.
Apud Civitatem Austrie in domibus Patriarchatus, presentibus dominis Delatorra archipresbitero Paduano, Bartholomeo Sarraceno vicario venerabilis patris domini G(regorii) Dei et Apostolica gratia sancte sedis Aquilegensis electi et Berengerio vicedomino, nobilibus dominis Biaquino de Camino, Henrico et Bentulfo de Villalta fratribus, Ottone dicto Borgonna de Spinenberch, Iohanne et Alpreto de Cocania fratribus, Ropreto de Budrio, Ulrico et Ugone de Rifemberch, Stephano de Duino testibus ad hoc specialiter vocatis et quibusdam aliis.
Predictus dominus electus Aquilegensis promisit nobili et potenti viro domino Maynardo comiti Goritie advocato ecclesie Aquilegensis, nomine suo et eiusdem ecclesie, ratam et firmam habere sententiam arbitrii et concordie olim latam per nobilem virum dominum Bernardum de Straso et dominum Clizoum de Melz arbitros et amicabiles compositores inter venerabilem patrem dominum Bertoldum bone memorie patriarcham Aquilegensem et comitem memoratum, secundum quod per instrumenta confecta per manus Antonii de Maleruis et Iuliani de Civitate notariorum publicorum plenius apparebat, et eandem sententiam eorum quilibet confirmavit, promittentes per se successores et heredes eorum eam inviolabiliter observare.
Hoc tamen excepto: quod idem dominus electus non absolute promisit dictam sententiam per Romanam curiam facere confirmari, sed ad eam confirmandam obtulit se fideliter laborare.
Hec autem promiserunt adinvicem observare sub pena, que in lata sententia predicti arbitrii continetur.
In cuius rei evidentiam et stabilem firmitatem predictus dominus Aquilegensis electus instrumento presenti proprium iussit sigillum apponi.
(SN) Ego Iohannes de Lupico sacri Imperii publicus notarius hiis interfui et de mandato predicti domini electi scripsi.
(SP)
At the very beginning of his reign in the Patriarchate, the new Guelph head of the Aquileian church, Gregory of Montelongo, aimed to maintain peace and the equilibrium of power. This promise to respect the recently promulgated arbitrational sentence that finally put a stop to the infighting between the late Patriarch Berthold and Count Maynard III of Gorizia was an important piece of that jurisdictional puzzle.