Count Albert I of Gorizia appoints Ottolino of Koper as his official procurator, authorizing him to request and receive, on his behalf, the investiture of all fiefs held by the House of Gorizia from the Bishopric of Poreč from Bishop Boniface, and to swear the oath of fealty in his name.
Anno Domini millesimo ducentesimo nonagesimo primo, indictione quarta, die terciodecimo exeunte decembre, presentibus dominis Hermanno plebano de Gurcvelt, Henrico capellano magnifice domine Eufemie comitisse Goricie, Pertoldo de Rotenstayn, Collone de Flasperch, Admaro de Matray, Meynardo de Bolzano et aliis.
Vir magnificus dominus Albertus illustris comes Goricie et Tirolis fecit, costituit et ordinavit Ottolinum fidelem suum de Iustinopoli, habitatorem Pisini, certum nuntium, actorem sindicum et procuratorem ad petendum et recipiendum omnia feuda que habet et visus est hactenus ipse et predecessores sui habuisse ab ecclesia Parentina a venerabili patre domino Bonifatio Dei gratia episcopo Parentino et ad faciendam eidem domino episcopo fidelitatem sive omaticum iuramento prestito vice et loco et nomine iam dicti domini Alberti comitis, et ad omnia et singula faciendum que verus et legittimus procurator facere potest vel ipse facere posset, si personaliter interesset, promittens se firmum et ratum habere quicquid per dictum procuratorem actum seu procuratum fuerit in premissis et quolibet eorumdem, volens insuper dictum procuratorem a cuiuslibet satisdationis onere rellevare, promisit namque michi notario stipulanti sub obligatione bonorum suorum pro omnibus quorum interest vel interesse poterit iudicatum solvi et iuditio sisti.
Actum in castro Pruch in salla superiori memorati domini Alberti comitis Goricie.
Et ego Dietricus imperiali auctoritate notarius predictis interfui et rogatus scripsi.
The investiture of Count Albert I of Gorizia, through his proxy Ottolino of Koper, by Bishop Boniface of Poreč – doc. 1292_BP.
See doc. 1292_BP.