The Commune of Pula constitutes a Lazarus as its procurator, tasked to journey to Friuli and petition the current government for the right to elect a podestà to govern the city for another year.
In Christi nomine.
Anno Domini millesimo ducentesimo septuagesimo secundo, indictione quintadecima, die octavo intrante iulio, presentibus Monflorito, Cliçesio, Nassinguerra et Sergio fratribus de Pola, Bonifacio et Arthuico fratribus, Bartolomeo milite quondam domini Menegossi, Ugone quondam domini Viviani, Io[hanne A]thasio quondam domini Lutarelli, Iohanne quondam domini Mauri, magistro Raymundo notario, magistro Henrico notario Comunis Pole et aliis.
Ibique in pleno Consilio Comunis Pole cum camp[ana] sonata more solito congregato, dominus Nicholaus Quirino de Veneciis potestas Pole, verbo et consensu tocius Consilii, suo nomine et nomine ac vice tocius Consilii et Comunis Pole fecit, constituit et ordinavit dominum Leçarum presentem suum et tocius Consilii et Comunis civitatis Pole nuncium et ambaxatorem, syndicum et actorem ad eundum coram domino decano et Capitulo Aquilegensi ecclesie et coram quecumque habente iurisdictionem Aquilegensis ecclesie et ad postulandum et requirendum gratiam coram ipsis et verbum eligendi potestatem et rectorem civitatis Pole pro anno futuro et comparendum coram quocumque ipsorum pro predicta gratia et parabola sive licentia habenda.
Et habita licentia et parabola, eligendi possit et valeat nomine vice dicti Comunis requirere et postulare gratiam confirmationis et ipsam recipere et omnia ac singula facere ac tractare in predictis et quolibet predictorum neccessaria fuerint facienda, ut verus actor, procurator et syndicus alicuius comunis et secundum quod ipse dominus potestas, Consilium et Comune facere posset, promittens nomine suo, Consilii et Comunis se ratum et firmum habere et tenere quicquid per dictum procuratorem factum fuerit tractatum atque completum in omnibus suprascriptis.
Actum hoc Pole in ecclesia sancte Marie de Caneto.
Ego Antonius sacri pallacii notarius et iudex ordinarius interfui et rogatus scripsi.
See the "Editor's Notes" in doc. 1256_EPI.
The publication of the facsimile of B (Venice, Archivio di Stato di Venezia, Miscellanea atti diplomatici e privati, busta 6, doc. 202) is granted free of charge by Archivio di Stato di Venezia by way of the “simplified procedure” of publishing archival facsimiles (La circolare della Direzione generale archivi n. 39 del 29 settembre 2017: procedura semplificata: pubblicazioni online che perseguano finalità scientifiche o pedagogiche, non beneficino di inserzioni pubblicitarie o commerciali e non siano soggette ad accesso a pagamento).
Photo by the editor.
The digital facsimile remains under the exclusive copyright of Archivio di Stato di Venezia.