1421_SS58

Era
Vol. 6: A 1421 usque ad 1535
Date
5th of August, 1421
Place
Regestum

Venetian Senate debates the future of the newly conquered strongholds in Istria: Oprtalj, Petrapilosa and Buzet.

Source
Archivio di Stato di Venezia, Senato, Deliberazioni, Secrete, reg. 8, fol. 27r (26r according to old pagination).
Edition
Josip Banić, The Venetian Takeover of the Margraviate of Istria (1411–1421): The Modality of a Passage (with Eight Previously Unedited Documents in the Appendix)," History in Flux : Journal of the Department of History, Faculty of Humanities, Juraj Dobrila University of Pula 1 (2019): pp. 64-65, doc. 1.
Transcription

Die quinto augusti

<Ser Fantinus Michael sapiens consilii, ser Laurentinus Bragadinus sapiens super terris et cetera>
Cum obtinuerimus in partibus Istrie castra Portularum, Pinguenti, et Petre Pilose et dicta castra multum fuerint inimica locis et terris nostris Istrie, et bonum sit providere, quod in futurum non possint nocere terris et locis nostris Istrie,
vadit pars, quod castrum Petre Piloxe ruinari debeat, et muri Portularum similiter ruinari debeant, et campanile dicte terre ruinari debeat, usque ad illam partem que videbitur. Locus autem Pinguenti remanere debeat ad illam conditionem, que continetur in infrascripta parte ser Albani Baduario et sociorum.

De parte — 21

<Ser Franciscus Bernardo sapiens consilii>
Cum faciat de nostro Dominio evitare expensam in quantum fieri potest, et sicut notum est, obtinuimus castra Portularum, Pinguenti, et Petre Piloxe,
vadit pars, quod castrum Petre Pilose ruinari debeat. 
De locis autem Portularum et Pinguenti observari debeat, sicut in parte ser Albani Baduario infrascripta et sociorum continetur.

De parte — 4

<Ser Albanus Baduario, ser Marinus Karauello procurator, ser Antonius Contareno procurator, ser Franciscus Fuscari procurator sapientes consilii, ser Marcus Dandulo sapiens terrarum et cetera>
<+>
Voluit quod locus Petre Pilose non debeat ruinari sed custodiri, quia dictus locus est una bastita castris Portularum et Pinguenti, in quo loco Petre Pilose poni debeat unus sufficiens comestabilis cum pagis duodecim, et quod loca Portularum et Pinguenti non debeant ruinari, sed remaneant in termino quo sunt ad presens. 
Verum ordinetur, quod potestas et capitaneus noster Iustinopolis et qui per tempora erunt de anno in annum mittere debeant unum potestatem ex fidelibus nostris Iustinopolis ad quemlibet dictorum locorum;
et habeant dicti de Portulis et Pinguenti illas immunitates, et observentur eis ille consuetudines quas soliti erant habere quando erant sub Ecclesie Aquilegensi;
et debeant dicti potestates et capitanei Iustinopolis videre computum ordinate introitum dictorum locorum, de quibus solvi debeant expense custodie castri Petre Pilose; 
et habeat potestas Pinguenti libras sexcentas in anno, et potestas Portularum libri quingentas, tenendo illam familiam que videbitur potestati et capitaneo nostro Iustinopolis.

De parte — 54
De non — 4
Non sinceri — 11

Selected Bibliography
Josip Banić, The Venetian Takeover of the Margraviate of Istria (1411–1421): The Modality of a Passage (with Eight Previously Unedited Documents in the Appendix)," History in Flux : Journal of the Department of History, Faculty of Humanities, Juraj Dobrila University of Pula 1 (2019): pp. 41-77.
How to Cite
First citation: Josip Banic (ed.), Fontes Istrie medievalis, vol 6: A 1421 usque ad 1535, doc. 1421_SS58, fontesistrie.eu/1421_SS58 (last access: date).
Subsequent citations: FIM, 6: doc. 1421_SS58.
Image