The Commune of Trieste appoints Bartolomeo Stoiano and Francesco de Bonomo as its legal representatives, authorizing them to negotiate and conclude peace agreements and settlements on its behalf with Venetian Doge Andrea Contarini and the Commune of Venice.
In Christi nomine, amen.
Anno Domini millessimo tricentesimo sexagesimo octo, indictione sexta, die vigesimo sexto mensis augusti.
Actum Tergesti in veteri palatio Comunis in Maiori Conscilio ad sonum campanarum et vocem preconeam, ut est moris, pro infrascriptis specialiter congregato, in quo quidem Conscilio interfuerunt ultra quam due partes consciliariorum ipsius Maioris Conscilii, presentibus dominis Andrea Pacis vicedomino Comunis, Iohanne de Viana, Bertholameo Boteç notario, Augustino de Thephanio, Riçardo de Bonom(o), Nicolao Ade, Bertholameo Boteç, Iohanne de Zigotis et Florio Bitino testibus et alliis quam pluribus.
Providi et discreti viri domini Alberichus de Bascilio, Michael Ade et Dominicus de Leo * iudices pro Comuni * Tergesti, de conscensu et unanimi voluntate omnium consciliariorum in dicto Conscilio existentium, et ipsi omnes pro se ipsis ac vice et nomine Comunis, populi et universitatis civitatis Tergesti, fecerunt, constituerunt et ordinaverunt discretos viros ser Bartholameum de Stoiano civem Tergesti, absentem tamquam presentem, et ser Francischum de Bonomo civem Tergesti presentem et hoc mandatum sponte suscipientem, et utrumque eorum principaliter et in solidum, ita quod si unus eorum inceperit alter valeat mediare, prosequi et finire, eorum et dicti Comunis, populi et universitatis Tergesti syndicos, nuncios, actores, factores legiptimos et generales procuratores, et quicquid melius et utilius dici possunt, specialiter ad comparendum coram serenissimo et illustrissimo domino domino Andrea Contareno Dei gratia inclito duci Veneciarum et cetera, et cum eodem * serenissimo duce, eius consciliis, Comuni, subditis et servatoribus ipsius ducalis dominationis Veneciarum tractandum, conponendum, complendum et firmandum pacem, amorem, concordium, pacta et dilletionem pro et cum dictis constituentibus ac Comuni * et universitate civitatis Tergesti, districtualibus eorumque subditis et servitoribus de et super quibuscumque eroribus, discordiis et controversiis, dampnis, dispendiis, gravaminibus et iniuriis que essent vel dicerentur hinc inde esse ilata, data et recepta quocumque modo, forma et causa, * tam realiter quam personaliter, eta super quibuscumque dependentibus et conecxis ab eisdem; et in predictis et quolibet predictorum ad paciscendum, componendum, transigendum, iurandum in animas ipsorum constituencium ac universitatis et populi civitatis Tergesti et quodlibet genus sacramenti prestandum et faciendum; et ad compromitendum se in arbitros, * arbitratores et amicabiles compositores et bonos viros, et compromissum, laudum, sententiam et arbitrium audiendum, aprobandum, et confirmandum; et ad obligandum homines et Comune civitatis Tergesti; et ad remitendum et relaxandum omnia dampna, obprobia et iniurias facta et factas hominibus et Comuni civitatis Tergesti, et similiter remissionem,* absolutionem recipiendum pro dictis hominibus, populo et universitate Tergesti eorumque subditis et servitoribus; et in predictis cuiuslibet generis contractus faciendum et instrumenta cum promissionibus, penis et obligationibus, prout forma contractus requiret et ut eisdem syndicis et procuratoribus in solidum videbitur expedire, etiam cum conscilio, si videbitur, sapientum; et generaliter ad omnia et singula faciendum, complendum, exercendum et confirmandum que in predictis et circha predicta vel aliquod eorumdem fuerint neccesaria, utilia vel oportuna et que quilibet veri et legiptimi syndici et procuratores facere possent, etiam si talia essent, que de iure mandatum exigeret speciale, et que ipsimet constituentes ac Comune predictum facere possent, si personaliter interessent; dantes et concedentes dicti constituentes dictis eorum syndiciis et procuratoribus et utrique ipsorum in solidum plenam licentiam et liberam potestatem ac generale mandatum cum plena, libera et generali administracione supradicta omnia et singula tractandi, faciendi, complendi, firmandi et exequendi in premissis et quolibet premissorum; ac promitentes, nominibus quibus supra, per se eorumque sucessores solempniter se obligantes eorum syndicis et procuratoribus in solidum * ac mihi notario infrascripto, stipulanti vice et nomine omnium quorum interesse possent velb poterit, in futurum se firmum, ratum et gratum habere et tenere et observare quicquid per dictos eorum syndicos et procuratores vel alterum eorum principaliter et in solidum actum, factum et firmatum fuerit in predictis vel aliquo predictorum, et non contrafacere vel venire aliqua ratione vel causa, de iure vel de facto, sub pena mille librarum parvorum, qua soluta vel non nichilominus omnia facta et confirmata per eos in sua semper permaneant firmitate, obligantes ad hec omnia bona Comunis et universitatis Tergesti mobilia et ficxa, presentia et futura. Insuper volentes dicti constituentes prefatos eorum syndicos et procuratores in solidum relevare ab omni honore et satisdacione, promiserunt solempniter michi notario infrascripto, quo supra nomine stipulanti, de iudicio sisti et iudicatum solvendo in omnibus suis clausulis oportunis.
Ego Andreas Pacis vicedominus subscripsi.
Ego Tomas de Stoiano vicedominus subscripsi.
(SN) Ego Matheus Bitinus imperiali auctoritate notarius predictis omnibus interfui et rogatus scribere scripsi.
a) add. sup. l. A. b) ex ut corr. A.
Treaty concluded between Venice and Trieste on September 3, 1368 – edited here as doc. 1368_VT.
This is the second appointment of legal representatives authorized to conclude a new peace treaty with Venice and repair the strained relations between the two polities. This second attempt at a diplomatic resolution of the conflict indeed bore fruit and a new treaty was hammered out on September 3, 1368 (doc. 1368_VT), but subsequently ignored by the Commune of Trieste.