Albert, the bishop of Concordia and deputy of Patriarch Gregory of Montelongo, acting in the patriarch’s name, and Count Maynard IV of Gorizia, representing himself and his brother, Count Albert I, agree to appoint Cono of Moruzzo and John of Cucagna as arbiters tasked with settling the dispute between the counts of Gorizia and Patriarch Gregory regarding all the damages the parties committed against each other from the signing of the Peace of Buzet (doc. 1264_PG) onward.
(SC) In nomine Domini, amen.
Anno Eiusdem M CC LXV, indictione VIII, die V intrante iunio, apud villam de Cormono iuxta forum, presentibus dominis Meynardo de Pratta, Artuico de Porcillis, Artuico de Castello, Asquino de Varmo, Wolrico de Rifemberch, Detalmo de Villalta, Friderico de Pinçano, Ropretto de Budrio, Svarçutto de Toppo, Castmanno filio domini Phylippi de Wasenstayn, Iacobo et Lupoldo de Ragonia, Friderico de Cauriaco, Conrado de Osopio, Meynardo de Flagonia, Andrea filio domini Osalci de Peuma, Ulvino loci eiusdem, Haynçilino filio quondam domini Henrici de Iplis et aliis multis.
Super omnibus questionibus, dampnis, ofensis et iniuriis datis et illatis inter venerabilem patrem dominum Gregorium Dei gratia sancte sedis Aquilegensis pathriarcama et suos ex parte una et dominos Meynardum et Albrettum comites Goricie et suos ex altera a tempore pacis facte inter ipsos dominos pathriarcam et comites apud Piwentum1 usque ad presentem diem dominus Albertus Concordiensis episcopus, vicedominus eiusdem domini pathriarce, nomine ac vice ipsius domini pathriarce, et ipse dominus Meynardus comes pro se et fratre suo predicto comite Albrecto concorditer et sponte ac communiter compromiserunt in dominos Cononem de Murutio et Iohannem de Cucania tamquam in arbitros, arbitratores et diffinitores quod teneantur et possint inquirere et audire diligenter omnes questiones, ofensas, iniurias et dampna data ab utraque parte a dicto tempore pacis usque ad presentem diem, et super ipsis questionibus, ofensis, iniuriis et dampnis sentenciare, arbitrari et difinire usque ad festum Beati Martini proximo venturum semel et plurius, sicut eis iustum videbitur, bona fide, partibus presentibus vel absentibus dummodo citatis, diebus feriatis et non feriatis, quandocumque et ubicumque voluerint, ita tamen quod in similibus et equalibus articulis sentencia que pro una dictarum parcium lata fuerit pro parte alia eadem et similis feratur; in dissimilibus autem articulis possint arbitrari et diffinire prout videbitur arbitris iustum, secundum qualitatem et quantitatem dampnorum, iniuriarum et ofensarum, ita quidem quod arbitri, arbitratores et diffinitores predicti, lata prius sentencia super predictis pro domino pathriarca et suis, teneantur et debeant postmodum, eodem die vel eodem tempore statim post si eo die fieri non possit, sentenciam pro comitibus predictis et suis ferre, alioquin sentencia lata pro domino pathriarca nullius firmitatis existat.
Promittentes dicti domini Albertus vicedominus nomine ac vice predicti domini pathriarce et dominus Meynardusb comes Goricie pro se et fratre suo predicto sentencias quas dicti arbitri, arbitratores tulerint ratas et firmas habere atque tenere et non contravenire sub pena mille marcharum Aquilegensis monete, et pena soluta vel non, arbitrium et sententia lata per arbitros in omnibus et singulis capitulis nichilominus habeant et teneant plenum robur.
Pro quibus omnibus et singulis predictis attendendis et firmiter observandis, idem dominus Meynhardus comes pro se et nomine ac vice fratris sui dedit wadiam in manus predicti domini Al(berti) vicedomini, recipientis nomine et vice predicti domini pathriarce, cuius wadie pro domino comite fideiussores extiterunt domini Artuicus de Porcillis, Artuicus de Castello, Detalmus de Villalta, Cono de Murutio, Iohannes de Cucania, Asquinus de Varmo, Roprettus de Budrio, Fridericus de Pinçano, Svarçuttus de Toppo, Castmannus de Wesenstayn, Wolricus de Riyfenberch, Wolkerus de Vlasperch, Svarçmannus, Henricus de Pisino, Hugo de Duino, Meynardus de Cerow, Winterus de Gvotenech et Wolvilus de Ragonia.
Et predictus dominus Al(bertus) vicedominus nomine ac vice predicti domini pathriarce dedit wadiam in manibus predicti domini comitis, recipientis pro se et dicto fratre suo, cuius wadie pro domino pathriarca fideiussores extiterunt domini Maynhardus de Prata, Artuicus de Porcillis, Artuicus de Castello, Detalmus de Villalta, Con[o]c de Murutio, Iohannes de Cucania, Asquinus de Varmo, Fridericus de Pinçano, Roprettus de Budrio, Svarçuttus de Toppo, Castmannus et Iohannes filius quondam domini Phylippi de Civitate.
Super omnibus questionibus, iniuriis, dampnis et ofensis predictis supradicti domini Cono de Murutio et Iohannes de Cucania arbitri, arbitratores et difinitores iuraverunt ad sancta Dei ewangelia usque ad supradictum festum Sancti Martini proxime venturum arbitrari, sentenciare ac diffinire bona fide et sine fraude.
Promisit quoque predictus dominus Al(bertus) vicedominus facere et operari quod dominus pathriarca predictus presens compromissum et omnia et singula supradicta confirmabit et habebit rata et firma sub eadem pena mille marcarum, et dominus Meynardus comes predictus promisit facere quod dominus Albrectus frater eius similiter compromissum presens et omnia et singula supradicta confirmabit et ea habebit rata et firma sub eadem pena, salvo in omnibus privilegio pacis et concordie facto apud Piwentum inter ipsos dominos pathriarcam et comites ..d .
Ad huius autem rei maiorem evidenciam maioremque firmitatem predicti dominus G(regorius) pathriarca et M(eynardus) comes Goricie instrumentum presens iusserunt sigillis propriis comuniri.
(SN) Ego Petrus imperiali auctoritate notarius predictis interfui, de mandato parcium duo instrumenta unius tenoris scripsi.
(SP D) (SP D)
a) sic et undique pathriarca loco patriarcha A. b) ex Menardus corr. A. c) lac. A. d) sic gemipunctus A.
1) Peace of Buzet – doc. 1264_PG.
The first confirmation of the Peace of Buzet (doc. 1264_PG), the Peace of Cormòns is notable for attesting to continuous conflicts between the counts of Gorizia and Patriarch Gregory of Montelongo, even after the signing of the Peace of Buzet. The plagued relations between the patriarch and his advocates were this time attempted to be solved by way of third-party arbitration, the elected arbiters being Cono of Moruzzo and John of Cucagna, but their arbitrational sentence–if ever produced–is not preserved. That the relations remained strained even after this attempt at a reconciliation is evident from the second confirmation of the Peace of Buzet, promulgated on February 14, 1266 (doc. 1266_PC).